Біз әлеуметтік желілерде:
contact phonecontact phone contact phonecontact phone

Өнеркәсіп

Өнеркәсіп және кәсіпкерлік саласы

2019 жылдың 10 айында өнеркәсіп кәсіпорындарында 23233,8 млн. теңгенің өнімін өндіріп, өндірілген өнімнің нақты көлем индексі 2018 жылдың сәйкес кезеңімен салыстырғанда 101,6 пайызды құрады. (2018 жылы 10 айы  – 100,9%)

Өңдеу өнеркәсібінде 21338,3 млн.теңгенің өнімі өндіріліп, нақты көлем индексі 100,1 пайызды құрады.

         Шағын және орта кәсіпкерлік

         2019 жылғы 10 айында қолданыстағы шағын орта кәсіпкерлік субъектілерінің саны 8590 бірлікті, белсенді 8417, ал, 2018 жылдың осы кезеңіне 6784 бірлік, белсендісі 6567 бірлікті құрап, 2019 жыл 2018 жылдың 9 айлық кезеңімен салыстырғанда тіркелгендер 126,6%-ға, белсенділер 128,1 %-ға ұлғайды.

         Шағын және орта бизнес субъектілерінің 2019 жылдың 10 айында өндірген өнімдері мен жасаған қызметтерінің соммасы  70 566,2 млн.теңгеге, өткен  2018 жылдың  осы кезеңіне өндірген өнімдері (61134,8 млн.тенге) деңгейіне шаққанда 115,4% өсімді құрап отыр.

        

         Инвестиция

         Қаланың негізгі капиталына тартылған инвестиция көлемі (бюджеттік инвестиция кірмейді) 2019 жылғы 10 айында 16517,8 млн. теңге құрап, 2018 жылдың сәйкес кезеңімен салыстырғанда (12315,4 млн. теңге)  өсімі 124,0 % құрады.

        

Кентау қаласы бойынша инвестициялық жобалар.

 

  1. 1. «Кентау Полиметалл» ЖШС-і тарапынан (полиметалл концетраттарын өңдеу) зауытының жобасын жүзеге асыруда. Жоба құны- 650,0 млн.теңге. Жобалық қуаттылығы жылына 65-70 мың тонна мыс-алтын аралас концентратын өңдеу жоспарланған. Бұрынғы «Мырғалымсай» руднигінің ғимаратын сатып алып, күрделі жөндеу жұмыстары, құрылғыларды орнату және монтаждау жұмыстары жүргізілді. Қазіргі уақытта «Кентау Полиметалл» ЖШС-де қойма ғимараты, механикалық учаскенің бұрынғы ғимараты, жүк тиеу мен түсіруге арналған үстеме, жұмыс істейтін кран-көтергіш механизмдері бар, жалпы ауданы 3199 ш.м. 2 қабатты әкімшілік ғимараты, ауданы 916,12 ш.м. жұмысшылар үшін үй-жайлар, жер учаскесі 1-39 га. алып келінетін кенді одан әрі пайдалану үшін базаға іргелес жатқан бос жері бар. «Кентау Полиметалл» ЖШС ағымдағы жылдың қазан айынан бастап іске қосылды.      
  2. 2. «ГМК Ащысай» ЖШС-і жалпы құны - 12 млн. АҚШ долларын құрайтын (полиметалл рудаларын өндіру және өңдеу) зауытының жобасын жүзеге асыруда. Бүгінгі таңға «Fortebank» АҚ-на кепілге қойылған «Ащысай түсті металл зауытын» 64,0 млн. теңгеге және Шымкент қорғасын зауытының өндірістік қалдықтарын 24,0 млн. теңгеге сатып алынды.
  3. 3. «Vostok Minerals» ЖШС тарапынан жалпы құны - 138,4 млн. теңгені құрайтын (барит өнімдерін өңдеу) жобасы жүзеге асырылуда. Жобалық қуаттылығы – жылына 50 мың тонна барит өңдеу жоспарлануда.  Ашылатын жұмыс орны - 110 адам. Бүгінгі таңда тоқтап тұрған өндіріс орны «Южполиметалл ӨК» АҚ-ның кен байыту кешенін сатып алып, құрал-жабдықтар орнатып, мамыр айынан бастап іске қосылды.
  4. 4. «Dal Holding» (Түркия) инвесторлары Кентау қаласы аумағына жылыжай комплексі құрылысына қызығушылық танытып 250 га жерге сұраныс жасауда, осыған орай қала әкімдігі тарапынан тиісті бөлім басшыларымен жиналыс жасалып қадамдық іс шарасы жасалды.
  5. 5. «AvelarSolarTeghnology» ЖШҚ (Ресей) инвесторлары күн сәулесі электростанция құру мақсатында 200га жер телімін алуға қала әкіміне сұраныс берді.
  6. 6. «АБН Альянс» ЖШС полиэтиленді труба шығару цехі. Жобаның құны 600млн. құрайды. Жобалық қуаттылығы – жылына 1500 тонна труба шығарады. Ашылатын жұмыс орны - 50 адам. Бүгінгі таңда тоқтап тұрған бұрынғы Бетонзавод ғимаратын сатып алып, құрал-жабдықтар орнату жұмыстары жүргізілуде.
  7. 7. «АБН Альянс» ЖШС радиатор шығару цехі. Жобаның құны 1,200 млн. құрайды. Жобалық қуаттылығы – жылына 600 мың штук радиатор шығарады.  Ашылатын жұмыс орны - 50 адам. Бүгінгі таңда тоқтап тұрған бұрынғы Бетонзавод ғимаратын сатып алып, құрал-жабдықтар орнату жұмыстары жүргізілуде.
  8. 8. «Түркістан Кірпіш Зауыты» ЖШС м-150 маркалы кірпіш шығару зауыты. Жобаның құны 1,600 млн. құрайды. Жобалық қуаттылығы – жылына 30 млн. дана кірпіш шығарады. Ашылатын жұмыс орнын саны - 100 адам. Бүгінгі таңда, Жаңа Икан а/о М-150 маркалы кірпіш зауытын салу үшін    2 га аумақ жер алынды.

 

Кен өндіру

 

  1. 1. «Қызылата» мыс-кобальт кен орнына 2016 жылы «Ай Карааул» АҚ-ы тарапынан геологиялық-барлау жұмыстары басталып, 8 ұңғыма бұрғыланды. Мамандардың қорытындысы бойынша алғашқы нәтижелер жақсы көрсеткіштерді берді. 2017-2018 жылдары «Ай Карааул» АҚ-ның қаржылық қиындықтарына байланысты кен орнын барлау жұмыстары тоқтатылды. 2018 жылы «Металл инвест 17» ЖШС «Ай Караауыл» АҚ №4816-ҚПҚ (қатты пайдалы қазбалар, бұдан әрі - ҚПҚ) келісімшарты бойынша жер қойнауын пайдалану құқығын иеленді. Мәміле Қазақстан Республикасы инвестициялар және даму министрлігінің рұқсатымен жасалды.

         Бүгінгі таңда жер қойнауын пайдаланушы тарапынан №4816-ҚПҚ келісімшарты бойынша Қазақстан Республикасы инвестициялар және даму министрлігінен қосымша келісімшартты алу жұмыстары жүргізілуде.

  1. 2. «Смена» полиметалл кен орны ҚР Инвестициялар және даму министрлігінің Геология және жер қойнауын пайдалану комитеті тарапынан барлау жұмыстарын жүргізуге конкурс жарияланып, 2017 жылғы 14 желтоқсанда «Кентау ЦМ» ЖШС жеңімпаз болып танылды. Бүгінгі таңға келісімшарт алу жұмыстары жүргізілуде.
  2. 3. «Хантағы» полиметалл кен орны ҚР Инвестициялар және даму министрлігінің Геология және жер қойнауын пайдалану комитеті тарапынан барлау жұмыстарын жүргізуге конкурс жарияланып, 2017 жылғы 14 желтоқсанда «АлиТур КZ» ЖШС жеңімпаз болып танылды. Бүгінгі таңға келісімшарт алу жұмыстары жүргізілуде.
  3. 4. «Қарасай» полиметалл кен орны ҚР Инвестициялар және даму министрлігінің Геология және жер қойнауын пайдалану комитеті тарапынан барлау жұмыстарын жүргізуге конкурс жарияланып, 2017 жылғы 14 желтоқсанда «АлиТур КZ» ЖШС жеңімпаз болып танылды. Бүгінгі таңға келісімшарт алу жұмыстары жүргізілуде.
  4. 5. «Ансай» барит кен орны ҚР Инвестициялар және даму министрлігімен тікелей келіссөздер жүргізу арқылы «ГРК Металлинвест» ЖШС тарапынан барит өнімдерін өндіруге құқық беру туралы 2017 жылғы 24 қарашада өткен жұмысшы топ отырысының хаттамасы алынды. Аталған жоба облыстық өңірлік кәсіпкерлікті қолдау картасына енгізіліп, 2020 жылы жүзеге асыру жоспарлануда. Ағымдағы жылы барит өнімдерін өндіруге жоба әзірлеу бойынша конкурс өткізу және «Ансай» кен орнынан барит өнімдерін өндіруге келісімшарт алу жұмыстары атқарылатын болады.
  5. 6. «Байылдыр қалдық сақтау қоймасын» барлау жұмыстарын жүргізуге жарияланған конкурстың қорытындысымен «ЭКОсплав» ЖШС-і жеңімпаз болып танылып, 2017 жылғы 3 қазандағы контракт негізінде 3 жыл мерзімге барлау жұмыстарын жүргізуге келісімшарт алынды.

         Алайда, «ЭКОсплав» ЖШС тарапынан қаржылық қиындықтарына байланысты кен орнын барлау бойынша келісім-шартты сатылымға қойылған.

  1. 7. «Ырмақсу алтын кен орны» бойынша барлау жұмыстарын жүргізуге жарияланған конкурс қорытындысымен 2017 жылғы 12 желтоқсанда жеке кәсіпкер «Д.Т.Медеуова» жеңімпаз болып танылды. 2018 жылдың 25 қаңтарында Кентау қаласына қарасты Қарнақ ауылы тұрғындарымен «Қоршаған ортаға әсерін бағалау» бойынша қоғамдық тыңдау өткізілді. Бүгінгі таңға келісімшарт алу жұмыстары жүргізілуде.
  2. 8. «1,2,3 (клинкер) Ащысай полиметалл комбинаты техногендік минералды түзілімдері» бойынша ағымдағы жылы «Rich Investment» ЖШС тарапынан ҚР Инвестициялар және даму министрлігімен тікелей келіссөздер жүргізу арқылы 1,2,3, үйінділерде (клинкер) барлау жұмыстарын жүргізуге 20.06.2018 жылы №212-ҚПҚ келісім-шарт алып, 2018-2019 жылдары барлау жұмыстары жүргізіледі. Барлау аумағы - 0,916 км2, инвестиция көлемі 78,6 млн. теңге.

Кентау қаласы бойынша 2015-2019 жылдары өңірлер кәсіпкерлігін қолдау картасы.

 

Кентау қаласы бойынша 2015-2019 жылдары өңірлер кәсіпкерлігін қолдау картасына жалпы құны – 52290,9 млн. теңге 6 жоба енгізіліп, 4 жоба толығымен  іске асырылды. Оның ішінде:

  1. «ЮгЭлектроПривод» ЖШС «Тоқ және кернеу ажыратқыштарын, айырғыштарын, өлшегіш трансформаторларын шығару» жобасы, жоба құны -828,0 млн.теңге. 2015 жылы желтоқсан айында цех құрылысы жұмыстары аяқталып, іске қосылды. 50 жаңа жұмыс орны ашылған. 2018 жылдың 12 айында 191,0 млн.теңгеге /5487 дана/ өнім шығарды. 2019 жылдың 10 айында 127,4 млн.теңгеге /7185 дана/ өнім шығарды.
  2. «Электродеталь» ЖШС «35-110-220 трансформаторлар үшін металлқұрылымдар жасайтын және электрооқшаулар бөлшектерін шығару» жобасы, жоба құны -816,0 млн.теңге. 2016 жылдың соңында іске қосылды. 50 жаңа жұмыс орны ашылған. 2018 жылдың 12 айында 481,6 млн.теңгеге /2025 дана/ өнім шығарды. 2019 жылдың 10 айында 394,2 млн.теңгеге /1715 дана/ өнім шығарды.
  3. «Статус Эверест» ЖШС – «ПЭТ, ПП, ПЕ» қатты қалдықтарды қайта өңдеу» жобасы, жоба құны 150,0 млн.теңге. Жұмыс орындары 20 адам. Іске асырылған мерзімі қаңтар айы 2019 жыл. 2019 жылдың 10 айында 50,2 млн.теңгеге /154625 тн/ өнім шығарды.
  4. «Vostok Minerals» ЖШС – «Барит өнімдерін өңдеу» жобасы, жоба құны 700,0 млн.теңге. Жұмыс орындары 40 адам. Іске асырылған мерзімі мамыр айы 2019 жыл. 2019 жылдың 10 айында 28,8 млн.теңгеге /1676 тн/ өнім шығарды.
  5. «ГРК «Металлинвест» ЖШС-нің «Барит концентратының өндірісімен Ансай кен орынының барит кеніне өнеркәсіптік қазба жұмыстарын жүргізу» жобасы. Жоба құны -4559,1 млн.теңге. Іске асыру мерзімі 2020 жылы. 

 «Mining consult co» ЖШС «Полиметалдық кендерді өндейтін кешені» жобасы. Жоба құны 45 849,4 млн.теңге. Іске асыру мерзімі 2022 жыл. Жаңадан ашылатын жұмысшылар саны -760.

Кіру немесеТіркелу